Botanical Name -
Allium Sativumസംസ്കൃതം - ലശുന
തമിഴ് - വെള്ളൈ പുണ്ഡു
മലയാളം - വെള്ളുള്ളി
പുരാതനകാലം മുതല്തന്നെ വെളുത്തുള്ളി ആഹാരപദാര്ത്ഥങ്ങളില് ചേര്ത്തുവരുന്നു. വളരെ പോഷകമൂല്യമുള്ള ഒന്നാണിത്.
ചുമയ്ക്കും ജ്വരത്തിനുംവെളുത്തുള്ളിയെടുത്ത് അല്പം വെള്ളവും ചേര്ത്ത് നല്ലതുപോലെ ചതച്ച് ചാറെടുത്തു സമം പഞ്ചസാരയുമെടുത്ത് കലക്കി അതില് നിന്നും ഓരോ സ്പൂണ് വീതം കഴിക്കുക.
പഴകിയ ആസ്ത്മയ്ക്ക്വിനാഗിരിയില് വേവിച്ചെടുത്ത വെളുത്തുള്ളി, തേനും ചേര്ത്തരച്ച്, ഉലുവ കഷായത്തില് പതിവായി സേവിക്കുക.
ക്ഷയത്തിന്വെളുത്തുള്ളി സമം വീഴാലരിയും പശുവിന് പാലില് കാച്ചി കഴിക്കുക.
തൊണ്ടവീക്കംവെളുത്തുള്ളി ചൂടാക്കി അതു ഭക്ഷിക്കുകയും അരച്ചു തൊണ്ടയില് പുരട്ടുകയും ചെയ്യുക.
രക്തസമ്മര്ദ്ദത്തിന്ആറു വെളുത്തുള്ളി തൊലികളഞ്ഞ് പാലില് കാച്ചി ദിവസവും കഴിക്കുക. ഹൃദ്രോഗത്തിനും നല്ലതാണ്.
പ്രമേഹരോഗികള്ക്ക് ദഹനക്കുറവും കാല്കഴപ്പും ഉള്ളപ്പോള്ഒന്നോ രണ്ടോ വെളുത്തുള്ളി ചതച്ചിട്ട് കാച്ചിയ പാല് ദിവസവും കഴിക്കുക.
മലശോധനക്കുറവും, വായുസ്തംഭനവും ഉള്ളപ്പോള് 1. പെരുങ്കായം നെയ്യില് വറുത്ത്, കുറച്ച് വെളുത്തുള്ളി, പുളി, ഉപ്പ്, കറിവേപേപ്പില എന്നിവ ചേര്ത്ത് ചമ്മന്തി ഉണ്ടാക്കി കഴിക്കുക.
2. കുറേശ്ശെ വെളുത്തുള്ളി തൊലി കളഞ്ഞ് ചെറുതായി അരിഞ്ഞ്, ദിവസേന ഭക്ഷണത്തിലൂടെ കഴിക്കുക.
മുറിവ്, ചതവ് ഇവയ്ക്ക്വെളുത്തുള്ളി തൊലികളഞ്ഞ് നല്ലതുപോലെ അരച്ചു പുരട്ടി ശുദ്ധമായ തുണികൊണ്ട് കെട്ടുക.
കര്ണ്ണരോഗങ്ങള്ക്ക്1. രണ്ട് വെളുത്തുള്ളി തോലോടുകൂടി അരച്ച് ഒരു ഔണ്സ് വെളിച്ചെണ്ണയില് ചേര്ത്ത്, മൂന്നി ഉണങ്ങിയ മുളകും ചെറുതായി നുറുക്കിയിട്ട് കാച്ചി, ഉള്ളി ചുമക്കുമ്പോള് വാങ്ങി ചൂടാറിയാല് അരിച്ചെടുത്ത് സൂക്ഷിക്കുക. ഈ തൈലം മൂന്നു തുള്ളി വീതം ചെവിയില് ഇറ്റിച്ചു പഞ്ഞി വെയ്ക്കുക. ഇപ്രകാരം കുറച്ചു ദിവസം തുടര്ന്നു ശീലിച്ചാല് ചെവിമാന്ദ്യം, വേദന, എന്നിവയും മറ്റെല്ലാവിധ കര്ണ്ണരോഗങ്ങളും ശമിക്കും.
2. വെളുത്തുള്ളി ഉപ്പുവെള്ളവും തളിച്ച് ചതച്ചു പഴിഞ്ഞ നീര് ചെവിയില് ഇറ്റിച്ചാല് ചെവിവേദന ശമിക്കുന്നതാണ്. തീയില് ചൂടാക്കി പിഴിഞ്ഞ നീരിറ്റിച്ചാലും മതി.
സ്വരസാദംവെളുത്തുള്ളി സ്വരസം തേനുമായി കൂട്ടി ഓരോ സ്പൂണ് വീതം ഒരു മാസം തുടര്ച്ചയായി ഉപയോഗിക്കുക.
വളം കടിക്ക്കാല് വിരലുകളുടെ ഇടയില് ചൊറിച്ചിലും, വേദനയും, തൊലി പൊട്ടുകയും ചെയ്യുമ്പോള് വെളുത്തുള്ളിയും സമം മഞ്ഞളും ചേര്ത്തരച്ച് ഒരാഴ്ച പുരട്ടിയാല് ശമനം കിട്ടും.
വെള്ളപ്പാണ്ട് മാറുന്നതിന്വെളുത്തുള്ളി തൊലി കളഞ്ഞു തേനിലിട്ടുവച്ച് 45 ദിവസം കഴിഞ്ഞ് ദിവസേന ഓരോ സ്പൂണ് വീതം സേവിക്കുക.
മൂത്ര തടസ്സത്തിന് വെളുത്തുള്ളി ചതച്ച് അടിവയറ്റത്തു വച്ചുകെട്ടുക
ബുദ്ധിഭ്രമംവെളുത്തുള്ളിയോ, ചുമന്നുള്ളിയോ ചതച്ച് ഉള്ളം കാലുകളില് വെച്ച് കെട്ടിയാല് ബുദ്ധിഭ്രമവും, ജ്വരവും മാറും, ഉറക്കം ഉണ്ടാവുകയും ചെയ്യും.
ബോധക്ഷയംകുരുമുളകും, വെളുത്തുള്ളിയും അരച്ച് നീര് ഞെക്കിപ്പിഴിഞ്ഞ് മൂക്കില് ഇറ്റിച്ച് ഊതി കയറ്റുക. ബോധം തെളിയും.
വാതവ്യാധികള് മാറുന്നതിന്1. മാഷതൈലത്തില് വെളുത്തുള്ളി അരച്ചുചേര്ത്ത് കൈയില് പുരട്ടുകയും, അതോടൊപ്പം ശതാവരിക്കിഴങ്ങും, ഉഴുന്നും കൂടി കഷായം വെച്ച് സേവിക്കുകയും ചെയ്താല് അപബാഹുകം (കൈയിലുണ്ടാകുന്ന വാതം) ശമിക്കും. വെളുത്തുള്ളി അധികമായി സേവിച്ചുണ്ടാകുന്ന അജീര്ണ്ണത്തിന് രാമച്ചം, ചന്ദനം എന്നിവ കഷായം വച്ച് നെയ്യ് ചേര്ത്ത് സേവിക്കേണ്ടതാണ്.
2. വെളുത്തുള്ളിയുടെ നീരില് വെളുത്തുള്ളി തന്നെ കല്ക്കമാക്കി കാച്ചിയ നെയ്യ് സേവിക്കുന്നത് സകലവിധ വാതരോഗങ്ങള്ക്കും ഗുണകരമാണ്.
3. വെളുത്തുള്ളി ചേര്ത്ത് കാച്ചിയ എണ്ണ എല്ലാവിധ വാതരോഗങ്ങള്ക്കും നല്ലതാണ്.