Saturday, May 17, 2014

പത്മാസനം







പത്മം എന്നാല്‍ താമര എന്നാണ് അര്‍ത്ഥം. ഇതിന് കമലാസനം എന്നും പറയും. ജപത്തിനും, ധ്യാനത്തിനും, പ്രാണായാമം ചെയ്യുന്നതിനും പറ്റിയ നാല് ആസനങ്ങളില്‍ പ്രഥമസ്ഥാനം പത്മാസനത്തിനാണ്. ഋഷികളായ ഖേരന്ദയും, സാന്‍ഡില്യ ഋഷിയും ഈ ആസനത്തിന്റെ പ്രാധാന്യത്തെക്കുറിച്ചു പറയുന്നുണ്ട്.

ചെയ്യേണ്ടവിധം

കാലുള്‍ മുന്നോട്ട് നീട്ടിയിരിക്കുക. കൈകള്‍കൊണ്ട് ഇടതുകാലെടുത്ത് വലതുതുടയുടെ മുകളില്‍ വയ്ക്കുക. അതിനുശേഷം വലതുകാലെടുത്ത് ഇടതുതുടയുടെ മുകളില്‍ വയ്ക്കുക. കൈകള്‍ രണ്ടും കാല്‍മുട്ടുകള്‍ക്കു മുകളില്‍ വയ്ക്കുക വിരലുകള്‍ ചിന്മുദ്രയിലായിരിക്കണം.

പ്രയോജനങ്ങള്‍

പത്മാസനം കാല്‍മുട്ടിന്റെയും അരക്കെട്ടിലെയും സന്ധികളെ വഴക്കമുള്ളതും ബലമുള്ളതുമാക്കുന്നു. നാഡീവ്യുഹത്തെ ശക്തിപ്പെടുത്തുന്നു. മനസിന് വിശ്രമവും ഏകാഗ്രതയും കൈവരുന്നു. മലബന്ധത്തെയും, വാതരോഗങ്ങളെയും, നട്ടെല്ലിന്റ പ്രശ്‌നങ്ങളും സുഖപ്പെടുത്തുന്നു.

Thursday, May 1, 2014

പതഞ്ജലി യോഗസൂത്രം


പതഞ്ജലിയെ മഹര്‍ഷി ആദിശേഷന്റെ (മഹാവിഷ്ണു ശയിക്കുന്ന സര്‍പ്പം) അവതാരമായാണ് പറയപ്പെടുന്നത്. അദ്ദേഹമാണ് യോഗസൂത്രം രചിച്ചത്.

പതഞ്ജലി മഹര്‍ഷിയുടെ ചരിത്രം ഇതിഹാസങ്ങള്‍ പോലെ അതിശയം നിറഞ്ഞതാണ്. ഒരിക്കല്‍ ശിവന്റെ നൃത്തം കണ്ടുകൊണ്ടിരുന്ന ആദിശേഷന് മഹാവിഷ്ണുവിന്റെ ഭാരം താങ്ങുന്നതിന് വളരെയധികം പ്രയാസം തോന്നി. അത്ഭുതത്തോടുകൂടി ആദിശേഷന്‍ മഹാവിഷ്ണുവിനോട് ഇതിന്റെ കാരണം അന്വേഷിച്ചു. മഹാവിഷ്ണു പറഞ്ഞു ശിവന്റെ യോഗശക്തിയുമായി തന്റ ലയനമാണ് ഇതിന്റെ കാരണമെന്ന് പറഞ്ഞു. അങ്ങനെ യോഗ പരിശീലിക്കുന്നതിന്റെ പ്രയോജനങ്ങളും പ്രാധാന്യവും മനസിലാക്കിയ ആദിശഷന്‍ മനുഷ്യരെ യോഗ പഠിപ്പിക്കുന്നതിനായി പതഞ്ജലി എന്ന പേരില്‍ മനുഷ്യനായി ഭൂമിയില്‍ അവതരിച്ചു.

പതഞ്ജലി മഹര്‍ഷിയുടെ യോഗസൂത്രമാണ് യോഗയുടെ അടിസ്ഥാനം. യോഗയുടെ പിതാവ് ആയി അറിയപ്പെടുന്നത് പതഞ്ജലി മഹര്‍ഷിയാണ്. യോഗസൂത്രം 195 സൂത്രങ്ങളായാണ് രചിച്ചിരിക്കുന്നത്. ആരോഗ്യപൂര്‍ണ്ണമായ ധാര്‍മ്മികജീവിതം നയിക്കണമെങ്കില്‍ നിത്യവും യോഗ അഭ്യസിക്കേണ്ടത് അത്യാവശ്യമാണ്. പതഞ്ജലിയുടെ യോഗസൂത്രത്തില്‍ എട്ട് ശാഖകളാണുള്ളത്. ഇതിനെ അഷ്ടാംഗയോഗം എന്നും പറയുന്നു.