നമ്മള്‍ സാധാരണയായി കറിവയ്ക്കാനുപയോഗിക്കുന്ന മുരിങ്ങയ്ക്കുള്ള ഔഷധശക്തിയെപ്പറ്റി പലര്‍ക്കും അറിവുണ്ടായിരിക്കുകയില്ല. ഈ മരത്തിന്റെ പട്ടയില്‍നിന്നുണ്ടാകുന്ന ചാറ് ഓറഞ്ചുനീരില്‍ ചേര്‍ത്തു കൊടുകക്കുകയാണെങ്കില്‍ വയറുവേദന, ദഹനക്കേട് മുതലായ ഉദരരോഗങ്ങള്‍ക്കു ശമനമുണ്ടാകും. വാതചികിത്സയ്ക്കും ഒരു ഉത്തമ ഒഷധമാണിത്. നീര്‍വീക്കത്തിന് ഇതിന്റെ വേര് അരച്ചുപുരട്ടാം. ഞരമ്പുസംബന്ധമായ തലചുറ്റല്‍, ഉന്മേഷക്കുറവ് മുതലായ അസ്വാസ്ഥ്യങ്ങള്‍ക്കും ഇത് ഒരു പ്രതിവിധിയാണ്. തടിയില്‍നിന്ന് ഊറ്റിയെടുക്കുന്ന ഗര്‍ഭാശയമുഖത്ത് പുരട്ടിയാല്‍ സുഖപ്രസവം നടക്കുമെന്ന് പറയപ്പെടുന്നു. ഗര്‍ഭാശയം, കരള്‍ എന്നീ ആന്തരാവയവങ്ങളുടെ പ്രവര്‍ത്തനത്തെ ഉത്തേജിപ്പിക്കുവാനും ഉള്ള ഇതിന്റ കഴിവ് ഒന്നു വേറെയാണ്. ചെവിയില്‍ അനുഭവപ്പെടാറുള്ള വേദനയ്ക്ക് ഇതിന്റെ വേര് പിഴിഞ്ഞെടുക്കുന്ന നീര് ശുദ്ധിചെയ്ത് ഉപയോഗിക്കാവുന്നതാണ്. വ്രണങ്ങളും മുറിവുകളും സുഖപ്പെടുത്താന്‍ ഇതിന്റെ കായ് ഉപയോഗിക്കാം.
No comments:
Post a Comment