ജീവനാണ് മനുഷ്യന്റെ ഏറ്റവും വിലയേറിയ സമ്പത്ത്. രണ്ടാമത്തേത് ആരോഗ്യമത്രെ. ആരോഗ്യമില്ലെങ്കില് ജീവിതം ഉപയോഗശൂന്യവും സന്തോഷ സൗഭാഗ്യങ്ങള് ഇല്ലാത്തതുമായിരിക്കും. കാരണം ശരീരസുഖമില്ലാത്തവന് യഥേഷ്ടം സഞ്ചരിക്കുന്നതിനോ, ഇഷ്ടമുള്ള ജോലികള് ചെയ്യുന്നതിനോ, താല്പര്യമുള്ള ഭക്ഷണസാധനങ്ങള് കഴിക്കുന്നതിനോ കഴിയുകയില്ല.
ഒരു രോഗി വേദനയും അസുഖവും അനുഭവിക്കുകയും തന്റെ ആവശ്യങ്ങള് നിറവേറ്റുന്നതിന് അപ്രാപ്തനായിരിക്കുകയും ചെയ്യുന്നു എന്നു തന്നെയല്ല, ഏതാനും ആളുകള് തങ്ങളുടെ ദിനകൃത്യങ്ങള് ഉപേക്ഷിച്ചിട്ട് അവനെ ശുശ്രൂഷിക്കേണ്ടതായും വരുന്നു. ഇങ്ങനെ മറ്റുള്ളവര് അവനെ ശുശ്രൂഷിക്കുകയും, അവന് ആവശ്യമുള്ളതെല്ലാം അന്വേഷിച്ചു കൊടുക്കുകയും ചെയ്യേണ്ടിവരുന്നതിനാല് അവന് അവര്ക്ക് ഒരു ഭാരമായിത്തീരുന്നു.
രോഗികളുടെ ഭീഷണി
മിക്ക രോഗങ്ങളും വേഗം സംക്രമിക്കുന്നവയാകയാല് രോഗി തന്റെ അയല്ക്കാര്ക്ക് പലപ്പോഴും ഒരു ഭീഷണിയാണ്. ഒരാള് രോഗിയായി അല്പനാള് കൊണ്ട് അയാളുടെ കുടുംബത്തിലെ മറ്റു അംഗങ്ങള്ക്കും ആ രോഗം പകരുന്നതായി നാം കണ്ടിട്ടുണ്ടല്ലോ.
സ്വന്തം ശരീരത്തെ നന്നായി സൂക്ഷിക്കുകയും, ആരോഗ്യത്തെ പരിപാലിക്കുകയും ചെയ്യേണ്ടത് ഓരോ മനുഷ്യന്റെയും ചുമതലയാണ്.
സാധാരണയായി ജനങ്ങള് അരോഗികളായിരിക്കുമ്പോള് തങ്ങളുടെ ആരോഗ്യത്തെക്കുറിച്ച് ശ്രദ്ധിക്കാറില്ല. നേരെ മറിച്ച് രോഗബാധിതനായി ശരീരം ക്ഷീണിക്കുകയും മരണം ആസന്നമാകുകയും ചെയ്യുമ്പോള് തങ്ങളുടെ ശരീരത്തെ സൂക്ഷിക്കേണ്ടതെങ്ങനെ എന്ന് അവര് ചിന്തിച്ചുതുടങ്ങുന്നു. ശരീര സംരക്ഷണം ബാല്യം മുതല്ക്കേ ആരംഭിക്കണം. ഒരു ശിശുവിനു ആരോഗ്യമുള്ള ശരീരവും ബലവത്തായ ദേഹപ്രകൃതിയും ഉണ്ടായിരിക്കണമെങ്കില് ആ ശിശു ജനിക്കുന്നതിനു മുമ്പു തന്നെ അതിലേക്കു വേണ്ട പ്രവൃത്തി ആരംഭിക്കണം. രോഗികളും ദുര്ബലരുമായ മാതാപിതാക്കള്ക്ക് ആരോഗ്യമുള്ള കുഞ്ഞുങ്ങള്ക്ക് ജന്മം നല്കാന് സാധിക്കുന്നതല്ല. അതിനാല് മാതാപിതാക്കന്മാര് തങ്ങളുടെ ആരോഗ്യം നന്നായി സൂക്ഷിക്കണം.
രോഗകാരണങ്ങള്
ശരീരത്തിന് ആവശ്യമുള്ള പോഷക സാധനങ്ങള് ലഭിക്കാത്തതു കൊണ്ട് ചില രോഗങ്ങള് ഉണ്ടാകുന്നു. ഇങ്ങനെ ഉണ്ടാകുന്ന ഒരു രോഗമാണ് പാണ്ടശോഫം ( Beriberi ) വിഷദ്രവ്യങ്ങള് ശരാരത്തില് പ്രവേശിക്കുന്നതുകാരണം ചില രോഗങ്ങള് ഉണ്ടാകുന്നു. തീപ്പെട്ടി കമ്പനിയില് ജോലിചെയ്യുന്നവര്ക്ക്ുണ്ടാകുന്ന തീപ്പാഷാണ വിഷബാധ അങ്ങനെയുള്ള ഒരു രോഗമാണ്.
രോഗാണുക്കള്
രോഗാണുക്കള് നമ്മുടെ ഏറ്റവും വലിയ ശത്രുക്കളാണ്.
No comments:
Post a Comment