Botanical Name - Curcuma Longa
സംസ്‌കൃതം - ഹരിദ്ര
തമിഴ് - മഞ്ചള്‍
മലയാളം - മഞ്ഞള്‍
ഭാരതീയര്‍ വളരെക്കാലങ്ങള്‍ക്കു മുമ്പുതന്നെ മഞ്ഞള്‍ മിക്കവാറും ആഹാരസാധനങ്ങള്‍ പാകം ചെയ്യുമ്പോഴും അതില്‍ ഉപയോഗിച്ചുവന്നിരുന്നത് ഇതിന്റെ വിഷഹരണശക്തികൊണ്ടാവാം. ത്വക്കിന്റെ സംരക്ഷണത്തിനായി ചിലര്‍ കുളിക്കുമ്പോള്‍ മഞ്ഞള്‍ ശരീരത്തില്‍ പുരട്ടുന്നത് രോഗബീജങ്ങളെ നശിപ്പിക്കുവാനുള്ള കഴിവുള്ളതിനാലാണ്.
വ്രണങ്ങള്‍ക്ക്
1. മഞ്ഞളും, വേപ്പിലയും ചേര്‍ത്തരച്ച് ലേപനം ചെയ്യുക.
2. മഞ്ഞളും വേപ്പിലയും ഉണക്കിപ്പ1ടിച്ച് ധൂമം ഏല്‍പ്പിക്കുക.
കണ്ണ് പഴുപ്പ്
ഒരു സ്പൂണ്‍ മഞ്ഞള്‍പൊടി 250 വെള്ളത്തില്‍ 10 മിനിട്ട് തിളപ്പിച്ച് അരിച്ചെടുക്കുക. പിന്നീട് ശുദ്ധമായ പഞ്ഞി ലായനിയില്‍ കുതിര്‍ത്ത് നിത്യവും 5 പ്രാവശ്യം തുടച്ചെടുക്കുക.
ഇസ്‌നോഫീലിയ
ഒരു സ്പൂണ്‍ മഞ്ഞള്‍പൊടി പാലില്‍ കലക്കി ദിവസവും രാത്രി സേവിക്കുക.
ഒടിവ്, ചതവ്
മഞ്ഞള്‍ ചെറുനാരങ്ങാനീര് ചേര്‍ത്തരച്ച് അല്പം ഇന്തുപ്പും ചേര്‍ത്ത് ചൂടാക്കി ലേപനം ചെയ്യുക.
ചിക്കന്‍പോക്‌സ്
ഇവയില്‍ മഞ്ഞള്‍ അരച്ചോ, പൊടിച്ചോ ശരീരത്തില്‍ തേയ്ക്കുക.
ത്വക്കിന്റെ നിറത്തിന്
മഞ്ഞളും, ചെറുപയറും, തെറ്റിപ്പൂവും കൂടെ ഉണക്കിപ്പൊടിച്ച് തേയ്ക്കുക.
കരപ്പന്
മഞ്ഞളും മുത്തങ്ങയും വെള്ളം കൂടാതെ അരച്ച് തേയ്ക്കുക
പ്രമേഹക്കുരുവിന്
പച്ചമഞ്ഞളും, എള്ളും കോവിലയും അരച്ചു തേയ്ക്കുക.
പ്രമേഹത്തിന്
വെണ്ണയുമായി മഞ്ഞള്‍പ്പൊടി സേവിക്കുക.
No comments:
Post a Comment