പ്രയോജനങ്ങള്‍
വജ്ര എന്നത് പ്രാണശക്തി പ്രവഹിക്കുന്ന ഒരു നാഡിയുടെ പേരാണ്. വജ്രം എന്നും ഈ വാക്കിന് അര്‍ത്ഥമുണ്ട്. ലൈംഗികാവയവങ്ങളും മൂത്രവിസര്‍ജനവ്യവസ്ഥയുമായി ബന്ധപ്പെട്ട നാഡിയാണിത്. അതിനാല്‍ ഈ ആസനം ഉദരം, കുടലുകള്‍ എന്നിവയ്ക്ക് പ്രത്യക്ഷമായ രീതിയില്‍ത്തന്നെ ഫലം ചെയ്യുന്നു. 72000 നാഡികള്‍ ഉത്ഭവിക്കുന്ന കന്ദ അഥവാ നാഭീപ്രദേശത്തെയും ബാധിക്കുന്ന ആസനമാണിത്. അതിനാല്‍ വജ്രാസനത്തിന്റെ പ്രയോജനങ്ങള്‍ നിരവധിയാണ്. ഉദരത്തിലെ പ്രശ്‌നങ്ങള്‍, വാതസംബന്ധമായ വേദനകള്‍, വായു, കാല്‍വേദന, ലൈംഗീകത്തകരാനുകള്‍, മൂത്രസംബന്ധമായ ക്രമക്കേടുകള്‍ എന്നിവ ഈ ആസനത്തിലൂടെ പരിഹരിക്കവെടുന്നു. വജ്രാസനമെന്ന പേരിനെ അര്‍ത്ഥവത്താക്കിക്കൊണ്ട് ഈ ആസനം പുരുഷരേതസ്സിനെ വജ്രത്തോളം ശക്തിയുള്ളതാക്കുന്നു.
വാതസംബന്ധമായ രോഗങ്ങളാണ് സ്‌പോണ്ടിലൈറ്റിസ്, നടുവേദന, മുട്ടുവേദന തുടങ്ങി മറ്റെല്ലാ സന്ധിയെ ബാധിക്കുന്ന അസുഖങ്ങള്‍. ഐടി കമ്പനികളിലും മറ്റ് വളരെ നേരം കമ്പ്യൂട്ടറിനുമുന്നിലിരുന്ന് ജോലി ചെയ്യുന്നവര്‍ക്കു ഇത്തരം അസുഖങ്ങള്‍ സര്‍വ്വസാധാരണമാണ്. ഈ അസുഖങ്ങള്‍ക്ക് ശാശ്വതമായ പരിഹാരം നിര്‍ദ്ദേശിക്കാന്‍ ഡോക്ടര്‍മാര്‍ക്കു നിര്‍ദ്ദേശിക്കാന്‍ സാധിക്കാറില്ല. വളരെയധികം പാര്‍ശ്വഫലങ്ങള്‍ ഉള്ള വേദനസംഹാരികളാണ് മിക്കവാറും ഇതിന് നല്‍കിവരുന്നത്. കഴിക്കുന്ന മരുന്ന് ജീവിതകാലം മുഴുവന്‍ കഴിക്കേണ്ടി വരുന്നു. ഈ ആസനം എല്ലാദിവസവും 15 മിനിട്ടുവീതം ചെയ്താല്‍ ( ഇതിനൊപ്പം ത്രാടകം കൂടി ചെയ്താല്‍ നല്ലത് ) ഈ പറഞ്ഞ അസുഖങ്ങളില്‍ നിന്നെല്ലാം മോചനം ലഭിക്കും.
No comments:
Post a Comment