വജ്രാസനത്തില്‍ ഇരിക്കുക. കാല്‍മുട്ടുകള്‍ ആകാവുന്നത്ര അകലത്തില്‍ വയ്ക്കുക. പാദങ്ങള്‍ നിതംബത്തിനു താഴെ ഉള്ളംകാല്‍ മുകളിലേക്ക് അഭിമുഖമായും പാദങ്ങളുടെ മുകള്‍വശം തറയിലമര്‍ത്തിയും വയ്ക്കുക. പാദങ്ങള്‍ക്കു മുകളില്‍ നിതംബം തറയിലമര്‍ത്തി ഇരിക്കുക. ബലംപിടിക്കാതെ കാല്‍മുട്ടുകള്‍ വീണ്ടും അകറ്റുക. കൈത്തലങ്ങള്‍ കാല്‍മുട്ടുകളില്‍ വയ്ക്കുക. മനസ്സും ശരീരറ്വും സ്വസ്ഥമാക്കി നാസികത്തുമ്പില്‍ കണ്ണുകളുറപ്പിക്കുക. മനസ്സ് ആജ്ഞാചക്രത്തിലോ സ്വാധിഷ്ഠാനചക്രത്തിലോ എകാഗ്രമാക്കുക. ശ്വസനം സാധാരണ രീതിയിലായിരികണം. കഴുത്തും പുറവും നിവര്‍ത്തിപ്പിടിക്കുക.
പ്രയോജനങ്ങള്‍
ആത്മീയനേട്ടങ്ങള്‍ക്ക് ഈ ആസനം സഹായകമാണ്. മൂലാധാരചക്രത്തില്‍ നിഷ്‌ക്രിയമായി കിടക്കുന്ന കുണ്ഡലിനീ ഊര്‍ജത്തെ ഉണര്‍ത്തുവാന്‍ ഈ ക്രിയ വഴി സാധിക്കുന്നു. ശരീരത്തിലുണ്ടാകുന്ന ജൈവവിഷങ്ങളെ നീക്കുന്നു എന്ന ശാരീരികനേട്ടവും ഈ ക്രിയക്കുണ്ട്. അങ്ങനെ ശരീരം രോഗവിമുക്തമാകുന്നു.
No comments:
Post a Comment