ഇത് പുരുഷന്മാര്‍ക്കുവേണ്ടിയുള്ള ആസനമാണ്. പകരം സ്ത്രീകള്‍ക്കുവേണ്ടിയുള്ളത് 'സിദ്ധയോനി ആസന'മാണ്. ഇതിന് വലതുകാല്‍ മടക്കി ഉപ്പുറ്റി യോനീമദ്ധ്യത്തില്‍ അമര്‍ത്തിവയ്ക്കുക. ഇടതുകാല്‍ മടക്കി ഉപ്പുറ്റി ഇടുപ്പെല്ലിനു ചുവട്ടില്‍ അശവാ യോനിക്കു മുകളിലായി അമര്‍ന്നിരിക്കത്തക രീതിയില്‍ വയ്ക്കുക.
മുന്‍കരുതലുകള്‍ - വാതസംബന്ധമായ വേദനകളോ നട്ടെല്ലിനു തകരാറുകളോ ഉള്ളവര്‍ ഈ ക്രിയ ചെയ്യുവാന്‍ പാടില്ല.
പ്രയോജനങ്ങള്‍ - യോഗയില്‍ ബ്രഹ്മചര്യത്തിനു വളരെ പ്രാധാന്യമുണ്ട്. ഈ ആസനത്തിലൂടെ ബ്രഹ്മചര്യത്തില്‍ നൈപുണ്യം നേടാനാവും. വീര്യം അഥവാ പുരുഷരേതസുമായി ബന്ധവെട്ട പ്രശ്‌നങ്ങള്‍ പരിഹരിക്കപ്പെടുന്നു. രേതസ് ജീവോര്‍ജം അഥവാ ഓജസ് ആയി രൂപാന്തരപ്പെടുന്നു. ഇാ ജീവോര്‍ജം നിദ്രാവസ്ഥയിലുള്ള കുണ്ഡലിനീ ഊര്‍ജത്തെ ഉണര്‍ത്തിക്കൊണ്ട് മുകളിലേക്ക് ഇയരുന്നു. ഇത് മനസ്സിനെ ഉറപ്പുള്ളതാക്കുന്നു. ഈ നിലയില്‍ ശുക്ലക്കുഴലുകള്‍ക്ക് അയവു ലഭിക്കുന്നു. അതിന്റെ ഫലമായി മൂലബന്ധം, വജ്രോളിമുദ്ര എന്നിവ ആയാസം കൂടാതെ ചെയ്യാനാകുന്നു. ശരീരത്തിലെ വൈകാരികവും മാനസികവും ശാരീരികവുമായ മൂന്നുതരം ഊര്‍ജങ്ങളും സംതുലിതമായി ചേര്‍ച്ചയിലെത്തിച്ചേരുന്നു. അങ്ങനെ ധ്യാനാവസ്ഥയിലേക്ക് എളുവത്തില്‍ പ്രവേശിക്കുവാന്‍ സാധിക്കുന്നു.
No comments:
Post a Comment