ധനുരാസനം ( Dhanurasana )

കമഴ്ന്നു കിടക്കുക. കാല്‍മുട്ടുകള്‍ മടക്കി കൈകള്‍കൊണ്ട് പിറകിലൂടെ കണങ്കാലുകളില്‍ പിടിച്ച് പാദങ്ങള്‍ വലിച്ചുപിടിക്കുക. കൈകള്‍ വളയ്ക്കാതെ വച്ചുകൊണ്ട് കാലിലെ പേശികളെ വളച്ചുപിടിക്കണം. തുടകള്‍ക്കൊപ്പം നെഞ്ചും ശിരസ്സും തറയില്‍നിന്ന് ആവുന്നത്ര ഉയര്‍ത്തുക. ശിരസ്സ് പിന്നിലേക്ക് വളയ്ക്കുക. ഈ നിലയില്‍ ശരീരം വില്ലുപോലെ വളച്ച് ശരീരം മുന്നോട്ടും പിന്നോട്ടും ആട്ടുക. ശ്വാസം പിടിച്ചുവയ്ക്കുക. അഞ്ചു തവണ ക്രിയ ആവര്‍ത്തിക്കണം. ആത്മീയഫലങ്ങള്‍ ലഭിക്കുന്നതിന്  വിശുദ്ധിചക്രത്തിലോ അനാഹതചക്രത്തിലോ എകാഗ്രതയര്‍പ്പിക്കുക. സ്വാധിഷ്ഠാനചക്രത്തിലോ മണിപുരചക്രത്തിലോ എകാഗ്രതയര്‍പ്പിച്ചാല്‍ ശാരീരികഫലങ്ങള്‍ ലഭിക്കും.

പ്രയോജനങ്ങള്‍

മലബന്ധം, ദഹനക്കുനവ്, ദഹനക്കേട്, കരളിന്റെ ബലക്ഷയം, എന്നിവയ്ക്ക് ഈ ആസനം ഉത്തമമാണ്. ദുര്‍മേദസ് നീക്കുന്നതിനും വാരിയെല്ലുകളെയും കുടലുകളെയും ബലപ്പെടുത്തുന്നതിനും സഹായിക്കുന്നു.